🔻🔻🔻🔻🔻🔻常見問題🔻🔻🔻🔻🔻🔻
Q: 我可唔可以更改付款方式?
A: 可以。你可以專頁/WhatsApp聯絡我哋更改。
🔸🔸🔸
Q: 我d貨係幾時到?
A: 以下呢幾個地方
1) 專頁post內第一行
2) 該貨品網址相片下面
3) 該訂單email(貨品名稱後面)，及
4) <用戶中心>內按下單號
均可以睇到預計到貨期。
Q: 我唔記得咗download個付款QR Code點算好?
A: 可以喺<用戶中心>內，睇返嗰個單號，相應藍色框內有<付款>二字，㩒落去就會出返相關付款資料。
Q: 到貨期唔係一到就寄?咁究竟幾時寄?
A: 由於執貨需時，喺到貨日向後數4個工作天內我哋會將貨品寄出，敬請耐心等待。
Q: 貨到你哋會唔會通知?
A: 貨品寄出後，用戶中心會見到該訂單會改為<已發貨>及會收到email通知(有機會會發到雜件箱，敬請留意)。
電郵內會包含1)物流追蹤單號及2)物流查詢連結。
❗請注意，客人需先複製單號再到連結(tracking no)位置貼上單號方能查詢。
Q: 我已經付款並且都上傳咗收據,究竟幾時會確認?
A: 我哋一般每晚凌晨時份會統一確認當日訂單,如當日訂單太多,可能會延長至下一個工作天確認，請耐心等候。
Q: 明明話月中到,點解11號都仲未到?
A: 貨期-->月初(1-10號)、月中(11-20)、月底(21-該月最後一日)
客人可以喺下一貨期再聯繫查詢，本店務必儘快回覆。
Q: 點解我會收唔到email?
A: 落左單都一定會有email，一般常見無收到email都有兩個原因:
1) 去左雜件箱，
2) 註冊會員時電郵輸入有誤
客人可以check完雜件箱都無就聯絡我哋同你更改返正確資料。
Q: 我查到件貨<已到自提部>，但收唔到SMS，我可否自行去拎貨?
A: 首先<已到自提部>其實係物流中央自提件倉庫。
如已到取貨點係會顯示<已到自提點>。
如客人發到顯示<已到自提點>過左一小時都未收到SMS，請即時聯絡我哋。
因為有可能電話輸入錯誤/網絡商問題以致未能收到SMS，我哋可能聯絡物流重發SMS。
由於有免租期，而每個自提點/櫃/郵局嘅免租期都唔同，所以如有問題請立即聯絡。所有寄出後產生嘅附加費本店一概不會負責。
